Teri Bataain Hi Sunanay Aa'e- Ahmad Faraz.
Teri bataain hi sunanay aa'e
Dost bhi dil hi dukhanay aa'e
Phool khilte hein tu hum sochtae hein
Teray aanay ke zamaanay aa'e
Aisi kuch chup si lagi hai jaise
Hum tujhe haal sunanay aa'e
Ishq tunha hai sir-e munzil-e ghum
kaun yeh bojh uthanay aa'e
Ajnabi dost humein dekh
Keh hum kuch tujhe yaad dilaanay aa'e
Dil dharakta hai safr ke hungaam
Kaash phir koi bulanay aa'e
Ab tu rounay se bhi dil dukhta hai
Shayad ab hosh thikanay aa'e
Kya kahein phir koi busti ujri
Log kyoon jashun mananay aa'e
Soe raho maut ke pahloo mein Faraz
Neend kis waqt na janay aa'e
No comments:
Post a Comment