Soulfully Yours

Aye Mohabbat Tere Anjaam Pe Rona Aaya
Jaane Kyon Aaj Tere Naam Pe Rona Aaya

Yun Toh Har Shaam Ummido Mein Guzar Jaati Hai
Aaj Kuch Baat Hai Jo Shaam Pe Rona Aaya

Kabhi Taqdeer Ka Matam Kabhi Duniya Ka Gila
Manzil-e-Ishq Mein Har Gam Pe Rona Aaya

Jab Hua Zikr Zamane Mein Mohabbat Ka ‘Shakeel’
Mujh Ko Apane Dil-e-Nakaam Pe Rona Aaya

-Shakeel Badayuni

Phir mujhe dida-e-tar yad aya
dil jigar tishana-e-fariyad aya
phir mujhe dida-e-tar yad aya
Dam liya tha na qayamat ne hano
phir tera vaqt-e-safar yad aya
phir mujhe dida-e-tar yad aya

zindagi yu.n bhi guzar hi jati
kyu.n tera rahaguzar yad aya
phir mujhe dida-e-tar yad aya
Phir tere kuche ko jata hai kayal \- 2
dil-e-gumagashta magar yad aya
phir mujhe dida-e-tar yad aya

-Mirza Ghalib

Sunate Hai Ke Mil Jaati Har Cheese Dua Se
EK Roz Tumhe Maang Ke Dekhenge Khuda Se

Jab Kuch Na Mila Haath Duao Ko Uthaakar
Phir Haath Uthane Hi Pade Humko Dua Se

Duniya Bhi Milli Hai Gum-e-Duniya Bhi Mila Hai
Woh Kyo Nahi Milata Jise Maanga Tha Khuda Se

Tum Saamane Baithe Ho Toh Hai Kaif Ki Baarish
Woh Din Bhi The Jab Aag Barasti Thi Ghata Se

-Rana Akbarabadi

Tumhare Khat Mein Naya Ek Salaam KisKa Tha
Na Tha Raqueeb Toh Aakhir WOh Naam KisKa Tha

Raha Na Dil Mein Woh Bedard aur Dard Raha
Mukim Kon Hua Hai Makaam Kiska Tha

Wafa Karenge Nibhayenge Baat Maanege
Tumhe Bhi Yaad Kuch Ye Kalaam Kiska Tha

Woh Katl KarKe Har KisiSe Puchhate Hai
Yeh Kaam Kisane Kiya Yeh Kaam KisKa Tha

Humare Khat Ke Toh Purze Kiya Padha Bhi Nahi
Sun Jo Tumane Baa-dil Woh Payaam KisKa Tha

Guzar Gaya WOh Zamana Kahoo Toh KisSe Kahoo
Khyaal Dil Ko Mere Subah-O-Shaam KisKa Tha

Har Ek Se Kehate Hai Kya ‘Daag’ Bewafa Nikala
Ye Puchhe Inse Koi Woh Ghulam KisKa Tha

- Daag Dehlavi