dayaar-e-gair mein kaise tujhe sada dete
tu mil bhi jata to tujhe gawa dete
tumhi ne ham ko sunaya na apna dukh warna
dua woh karte ke ham aasmaan hila dete
hamein yeh zom raha ab ke woh pukaarenge
unhein yeh zid thi k har baar ham sada dete
woh tera gam tha k taseer mere lahje ki
ke jis ko haal sunaate use rula dete
tumhein bhulana hi aval to dastaaras mein nahi
jo ikhtiyar bhi hota to kya bhula dete
tumhaari yaad ne koi jawab hi na diya
mere khiyal ke aansu rahe sada dete
samaaton ko main taa-umar kostaa Syed
woh kuch na kehte magar honth to hila dete
_ Author Unknown
No comments:
Post a Comment