Rehte the kabhii jinake dil me.n
ham jaan se bhii pyaaro.n kii tarah
baiThe hai.n unhii ke kuuche me.n
ham aaj gunahagaaro.n kii tarah
Daavaa thaa jinhe.n hamadardii kaa
khud aake na puuchhaa haal kabhii
mahafil me.n bulaayaa hai ham pe
ha.Nsane ko sitamagaaro.n kii tarah
Baraso.n se sulagate tan man par
ashko.n ke to chhii.nTe de naa sake
tapate hue dil ke zakhmo.n par
barase bhii to a.ngaaro.n kii tarah
Sau rup dhare jiine ke liye
baiThe hai.n hazaaro.n zahar piye
Thokar naa lagaanaa ham khud hai.n
giratii huii diivaaro.n kii tarah
Majrooh Sultanpuri ( Mamta)
No comments:
Post a Comment